در اقدس پہ حال دل سنانا یاد آتا ہے + مدینہ یاد آتا ہے مدینہ یاد آتا ہے
مدینہ میں جو گزرا وہ زمانہ یاد آتا ہے + مدینہ یاد آتا ہے مدینہ یاد آتا ہے
خدا کے نور کے جلوے جو دیکھے میں نے طیبہ میں + مجھے رہ رہ وہ منظر سہانا یاد آتا ہے
مدینہ یاد آتا ہے مدینہ یاد آتا ہے
ادب سے بیٹھ کر اس گنبد خضری کے ساۓ میں + نبی کی ياد ميں آنسو بہانا ياد آتا ہے
مدینہ یاد آتا ہے مدینہ یاد آتا ہے
رسول اللہ کے دربار ميں شوق و محبت سے + وہ ميرا روز و شب کا آنا جانا ياد آتا ہے
مدینہ یاد آتا ہے مدینہ یاد آتا ہے
مزار فاطمہ پر کربلا والوں کی ياد آئی + مدينے والے آقا کا گھرانا ياد آتا ہے
مدینہ یاد آتا ہے مدینہ یاد آتا ہے
